【18区扫食】$3X日台菜+镬气碟头饭! 和宜合道 平民饭堂

和宜合道 熟食市场,可谓係葵涌嘅隐世食堂,唔係地胆都唔会识嚟。呢个熟食市场圆凼凼,有点似新加坡的 Food court,核心嘅内围是座位,核心嘅外围是食肆,菜色选择多样化,由日本菜、台式料理到大排档、印度菜,甚至素食同传统糕点都一应俱全。除了印度菜和素食,其他三十几蚊已有交易,仲要包饮品。提提大家呢度好多餐厅星期日都唔做晚市,唔好摸门钉!

撰文、摄影:很想很想食玩训

【18区扫食】$3X日台菜+镬气碟头饭! 和宜合道 平民饭堂
早几年和宜合道发生大火,不过而家已经翻新好。
【18区扫食】$3X日台菜+镬气碟头饭! 和宜合道 平民饭堂
入面圆凼凼,核心内围係座位。

廿几蚊个餐 配台式饮品

一开始以为呢间店係食日本野,坐低先知原来係日、台、越式乜都有啲。呢度嘅餐包埋一杯台式饮品都只係$26, 平得黎唔会hea你底,CP值超高,可谓穷人恩物。而老闆最拿手嘅竟然係传统糕点猪笼饼,不过就要预定先有得食,2盒起订。

【18区扫食】$3X日台菜+镬气碟头饭! 和宜合道 平民饭堂
盐酥鸡饭餐$26(跟台式饮品) 盐酥鸡炸到好酥脆香口,外脆肉软。肉燥裏面有煮到绵嘅肥猪肉粒粒,入口即化,为肉燥饭加左唔少分。$26仲要包一杯台式饮品,抵到烂啦!大食嘅朋友仲可以免费加饭。
【18区扫食】$3X日台菜+镬气碟头饭! 和宜合道 平民饭堂
芋头珍珠雪香$12 一饮落去成个口充满浓浓香芋味,奶味都好浓郁,互相挥映。成杯都好rich!好正!
【18区扫食】$3X日台菜+镬气碟头饭! 和宜合道 平民饭堂
猪软骨拉麵$20 猪软骨係老闆自家炆嘅,有大约6块,肉味几香浓但软骨唔腍,係碎硬质地,唔太啱追求入口即化啫喱状猪软骨嘅小编。之但係成碗面铺满晒餸先卖$20,真係去边度搵!?好过自己煮啦!

 

【18区扫食】$3X日台菜+镬气碟头饭! 和宜合道 平民饭堂
鱼露鸡翼老火猪骨汤米线餐$26(跟台式饮品) 鸡翼用鱼露腌完再炸,外脆内嫩,由于用左鱼露,所以特别有咸香味。米綫偏幼,食落口顺滑弹牙,汤底加左黑白芝麻,麻油,葱花及炸蒜增添香气。

【18区扫食】$3X日台菜+镬气碟头饭! 和宜合道 平民饭堂

【18区扫食】$3X日台菜+镬气碟头饭! 和宜合道 平民饭堂
芝麻珍珠奶茶$12 珍珠好烟韧有咬口,而且日日新鲜整,绝不留过夜。芝麻係老闆自家炒完再磨,所以比较粗身,咬落好香芝麻味。味道微甜同时仍能饮出茶味。

 

【18区扫食】$3X日台菜+镬气碟头饭! 和宜合道 平民饭堂

瀛珍栈美食

地址:葵涌和宜合道24号和宜合道熟食市场C12号舖(显示地图)

电话:3113 4949/9630 6881

营业时间:11am-8pm

妈妈的味道 温馨日本家庭料理

温馨家庭日本料理店,老闆一脚踢,上菜时间会耐少少,所以最好早半个钟打去落order定先。日韩料理都有,菜色都好有家庭风味,好似食紧日本妈妈煮俾仔女嘅料理咁。老闆不时会同客人倾计,了解下食物质素。晚市时段都几旺场,坐无虚席。店里面仲有一只看门口嘅猫猫。

【18区扫食】$3X日台菜+镬气碟头饭! 和宜合道 平民饭堂
韩式牛肉荞麦冷面$35 荞麦冷麵爽口,牛肉好腍同入味,而且有炒香咗既洋葱,食落唔辣反而甜甜地,好开胃。另外仲有青瓜丝,腌萝蔔丝同红萝蔔丝,成个感觉好清新。个汁比较重口味,点果阵唔好太重手。
【18区扫食】$3X日台菜+镬气碟头饭! 和宜合道 平民饭堂
柚子蜜照烧鸡肉饭$30 味道有啲似柚子蜜版既西柠鸡,不过冇西柠鸡咁甜,入口唔腻,入面配有芽菜 。
【18区扫食】$3X日台菜+镬气碟头饭! 和宜合道 平民饭堂
日式什菜薯饼$28 外表炸得好靓,金黄嘅外皮包着软滑嘅薯蓉,混合粟米粒同萝蔔粒,口感不俗,味道较为清淡。
【18区扫食】$3X日台菜+镬气碟头饭! 和宜合道 平民饭堂
日式牛乳咖啡(前)$12 、冻椰汁薏米水 $20 饮落咖啡味几香,但苦味唔重。饮完口腔会留低一阵牛奶味,同平时饮既咖啡好唔同。 冻椰汁薏米水椰汁好浓郁, 裏面仲有好多薏米粒,甜甜哋,有得咬下都几特别。
【18区扫食】$3X日台菜+镬气碟头饭! 和宜合道 平民饭堂
懒洋洋嘅猫~~

【18区扫食】$3X日台菜+镬气碟头饭! 和宜合道 平民饭堂

山本

地址:葵涌和宜合道24号和宜合道熟食市场C11号舖(显示地图)

电话:6671 9115

营业时间:星期一至六11am-9pm,星期四至五11am-3pm,星期日休息

大排档风味 有镬气碟头饭

呢间餐厅主打大排档质素碟头饭,焗得香,炒得猛。碟碟都风味爆灯,绝不欺场,用料十分足、上菜快,重点是价钱平,$32包饮品,如果小编住呢头或在附近返工,应该会成日走落黎食!

【18区扫食】$3X日台菜+镬气碟头饭! 和宜合道 平民饭堂
焗猪扒饭$38(跟餐饮) 一坐低老闆就推介呢个焗猪扒饭。饭面嘅猪扒同芝士有小小焦係上面,卖相十分吸引,睇见都流晒口水!炒底饭香口得黎多汁,一啲都唔乾,食到停唔到口!!好有惊喜!猪扒就非常幼嫰多汁,$38抵食到爆。
【18区扫食】$3X日台菜+镬气碟头饭! 和宜合道 平民饭堂
西柠班块饭$32 (跟餐饮) 炸鱼柳外脆内里软绵绵,好嫩口! 加上西柠汁好醒胃,有别于平时比较浓稠嘅西柠鸡汁底,令到炸鱼柳能保持脆身。
【18区扫食】$3X日台菜+镬气碟头饭! 和宜合道 平民饭堂
梅菜炆腩仔饭餐$32 (跟餐饮) 腩肉好入味,瘦肉都唔会好老,肥肉更肥而不腻,成件事好惹味,送饭一流,物超所值呀!
【18区扫食】$3X日台菜+镬气碟头饭! 和宜合道 平民饭堂
虾酱通菜牛肉饭$32 (跟餐饮) 牛肉同菜既分量有得比,而且非常够镬气,有大排档水準。通菜快炒唔会太老,牛肉都好嫩身。虾酱味好香,亦唔会太鹹,控制得恰到好处。

【18区扫食】$3X日台菜+镬气碟头饭! 和宜合道 平民饭堂

祥和

地址:葵涌和宜合道24号和宜合道熟食市场C13号舖(显示地图)

电话:2264 3823

营业时间:11am-9pm

印度人煮印度菜 价钱不平练英语

佔唔到呢度都有咁正宗的印度餐厅,老闆、大厨和店员都唔识讲广东话,所以要用英文沟通~不过又唔洗惊嘅,餐牌係中英对照,你净係识up英文数字就得喇。店内外有四至五张枱,虽然唔多,但都算鬆动,坐得几舒服,价钱有D贵。

【18区扫食】$3X日台菜+镬气碟头饭! 和宜合道 平民饭堂
蒜茸烤饼$20 蒜茸味几出,饼嘅质地烟烟韧韧,而且略带甜味。上枱时热辣辣,叫多个咖哩点嚟食仲正!
【18区扫食】$3X日台菜+镬气碟头饭! 和宜合道 平民饭堂
牛油咖哩鸡$59 鸡肉非常嫰而且腍,咖喱质地浓厚,椰汁味浓,食落甜味较重,有微微辣味,适合唔食辣嘅你。 仲可以用烤饼点汁食!!
【18区扫食】$3X日台菜+镬气碟头饭! 和宜合道 平民饭堂
烩菠菜芝士$56 菠菜蓉牛油味好浓好好味,而且有洋葱同蒜片,好香口。入面既芝士叫Indian Cottage Cheese,老闆话係印度好出名,但食落芝士味唔太出,质感就好特别,好似肉丸,食多几旧都唔会腻。

【18区扫食】$3X日台菜+镬气碟头饭! 和宜合道 平民饭堂【18区扫食】$3X日台菜+镬气碟头饭! 和宜合道 平民饭堂

就係呢只Indian Cottage Cheese~
【18区扫食】$3X日台菜+镬气碟头饭! 和宜合道 平民饭堂
印度黄饭$32 用比较幼长而且乾身嘅正宗印度米,嗰饭入面有啲果仁增加口感,不过略嫌太乾身。
【18区扫食】$3X日台菜+镬气碟头饭! 和宜合道 平民饭堂
香辣鬆化胡椒饼$16 成块都好脆口,係胡椒饼上面加生蒜蓉、芫茜、青瓜、椰菜及红椒,感觉都几醒胃,不过好快通风,要食得快,唔好摆太耐啊。
【18区扫食】$3X日台菜+镬气碟头饭! 和宜合道 平民饭堂
芒果乳酪$25 可能因为用左原味乳酪,所以乳酪味同芒果味都偏淡,味道普通,卖$25,有啲贵!
【18区扫食】$3X日台菜+镬气碟头饭! 和宜合道 平民饭堂
印度香料茶$18 同茶餐厅奶茶唔同既係…佢真係有香料味! 不过入口薄身,水感较重,茶味亦唔太浓。
【18区扫食】$3X日台菜+镬气碟头饭! 和宜合道 平民饭堂
胡椒饼 晚市送既,味道偏鹹,附清新味道嘅青酱。

【18区扫食】$3X日台菜+镬气碟头饭! 和宜合道 平民饭堂 【18区扫食】$3X日台菜+镬气碟头饭! 和宜合道 平民饭堂

咖哩烤肉和印度餐厅

地址:葵涌和宜合道24号和宜合道熟食市场C9号舖(显示地图)

电话:9151 8436

营业时间:11:30am-10pm

台式自助素食 红饭靓汤任装

呢间店午餐时段推出素食自助餐,一盘盘嘅素食一次过晒冷show晒出嚟,有成十几款。想食几多就夹几多,夹完就成碟放上磅上面秤,磅会自动减走碟嘅重量,素食每100g $14, 秤完几钱之后先再加餸汁,十分均真。拣好餸之后就有红米饭和两款是日老火汤任添。老闆一家全都食素,特意仿效台湾素菜店的自助形式,希望能推广素食,下星期仲会卖埋鲜榨果汁。

【18区扫食】$3X日台菜+镬气碟头饭! 和宜合道 平民饭堂
任拣~
【18区扫食】$3X日台菜+镬气碟头饭! 和宜合道 平民饭堂
$14/100g按量收费
【18区扫食】$3X日台菜+镬气碟头饭! 和宜合道 平民饭堂
红米饭任添
【18区扫食】$3X日台菜+镬气碟头饭! 和宜合道 平民饭堂
老火汤任添
【18区扫食】$3X日台菜+镬气碟头饭! 和宜合道 平民饭堂
粉葛薏米汤 非常足料,而且无加味精。除左粉葛薏米,仲有红萝蔔眉豆同扁豆。老闆话饮完可以消济清热。
【18区扫食】$3X日台菜+镬气碟头饭! 和宜合道 平民饭堂
呢度就收$55
【18区扫食】$3X日台菜+镬气碟头饭! 和宜合道 平民饭堂
酸斋 平时食开嘅酸斋多用色素染色,呢间素菜店嘅酸齐就用番茄黎煮,完全无落色素,味道酸酸甜甜,而且裏面充分吸收左个汁,咬落软绵绵好juicy,非常美味! 早知夹多几旧啦!
【18区扫食】$3X日台菜+镬气碟头饭! 和宜合道 平民饭堂
腐皮卷 内面有红萝蔔粒同白萝蔔丝,食落甜甜地,腐皮几滑。
【18区扫食】$3X日台菜+镬气碟头饭! 和宜合道 平民饭堂
素元贝 望落有啲似蟹子丸,口感似鱼片头,内馅係素蟹子,其实全粒係一样味。
【18区扫食】$3X日台菜+镬气碟头饭! 和宜合道 平民饭堂
素热狗肠 个样同真肠仔无分别,就算混落真蜜糖肠仔都唔会俾人发现。食落好有肉嘅质感,可以假乱真。
【18区扫食】$3X日台菜+镬气碟头饭! 和宜合道 平民饭堂
黑椒扒 同大部分素肉一样,呢块黑椒扒主要由大豆制成,外层香口,食落有少少黑椒味,”肉”质几腍,唔讲仲以为自己真係食紧肉扒 。

【18区扫食】$3X日台菜+镬气碟头饭! 和宜合道 平民饭堂 【18区扫食】$3X日台菜+镬气碟头饭! 和宜合道 平民饭堂

满愿福聚素食专门店

地址:葵涌和宜合道24号和宜合道熟食市场C5-C7号舖(显示地图)

电话:2499 1899

营业时间:11:30am-9pm(自助素食于2:30pm 后停止供应)

 

交通工具:

-乘新界区专线小巴406号线(港铁葵兴站/大窝口站均有上车点),于大陇街/石贝街下车

-于旺角乘坐九龙巴士32/35A/36B号线,于葵涌打砖坪街下车

你可能喜欢的: